گوتور سازی آشیق چیخ میدانا

خوش آوازین یایلسین هر یانا

آشیق گرك قوربان اولسون  جانانا

چیخاردسان سازیندان دؤنو یاخشیدیر

     **********

قور مجلیسی قوناق ائیله هامینی

دولدور قدحلری گوتور جامینی

چك امگین آل دونیادان كامینی

دئمه بو دونیانین سؤنو یاخشیدیر

     **********

ساتماگینن بو گونلری صاباحا !

باخماگینن سنینه لرده آه ها

آشیقلارین اومودو تك آللاه ها

حق یولودور اونون یولو یاخشیدیر

     **********

چالیش مجلیسلرین دولو مئی اولسون

ساز اولسون قووال اولسون نئی اولسون

فرق ائیله مز باهار ، پاییز ، دئی اولسون

دارانلی  اؤلاندا ،هر قونودا  یاخشیدیر !!

گلسن

سیندیرا جاغام  آیاغین آلتدا

 ساعاتلاری !

 ندنسه؟!

سندن باشقا كیمینی – گؤزله میرم كی

سانایام

دیقه لری – ثانیه لری !

گلسن

سؤندوره جه یم

یانان چیراغلاری – شاملاری

گیزله ده جه ییم

گونشی – آیی – اولدوزلاری!

ندنسه ؟!

گلیشینله ائیشیقلیغا چیخاجاغیم من

گلسن

الیمه گؤتوره جه یم

قلم لری – كاغیذلاری

قؤناق چاغیراجاغام

سئویملی – گؤزل سؤزجوكلری

و

گلیشینه بیر شئعیر قؤشوب

 بوراغاجاغام

 هاوایا..!!!!

گؤزل كندیم گلدیم سنله دانیشام

خاطیرلایام عشقی یئنه آلیشام

كوسموشم سه بیرده باریشام

عشق اوجاغیمسان ، سندن دونه بیلمرم

**************

بو یوللارا بیرده حسرتله  باخیم

سینه مین باشینا خنجر ی تاخیم

كوكره سین گؤزلریم ،سئل كیمی آخیم

سئل اوجاغیمسان ، سندن دونه بیلمرم

************

بلكه بیر قیز گؤزو هله یولدادیر

عشقیمین ایلك اؤدو هله بوردادیر

دارانلی نین یوردو ائله بوردادیر

سون مزاریمسان ، سندن دونه بیلمرم

***********

( كندیمزه گئتدیكده خاطیرالار گزومون اؤنونه

گلدی ومن بو شئعری یازدیم )

خاطیرالارینن یاشاییریق دا !!!!!!

    آنا

ساچلارینین آغلیغیندان

دوشونورم

آغ گونلرینی منه وئرمیسن

قارا ساچلارینی آغاردا آغاردا !

گوزلریمه آیشیق اولموسان

گوزلرینین ایشیقینی قارالدا قارالدا

و گنج ائتمیسن منی

گنج عومرونو قوجالدا قوجالدا

آنا جان

هر سوزونه بیر جان د ئسم

یئترمی محبتینه ؟!

آنام دئدی یئتر..!!!!!!!!!!!!!!

            3/3/90

                           آنا گونومناسیبتینه

 بولود گتیرمیشم گوزلریمدن

كدر یاغیر سؤزلریمدن  

اوره گینین باشی دوزلاق  

 یاراسی درین درین 

 بیر اوووج سوایلن

 دنیزه گلین

 گلین گلین

گ

ل

ی

ن.....

.........

گلدین

سنی قوجاقلاماق ایسته دیم

اللریم بیر ی ساغا گئتدی بیری سولا !

من سنی هر نه یی قوجاقلایاجاغام

اللریمی قووشدورا بیلسم ...!!

_{^{سنین اوچون قوشورام بو شئعیری}}

_{^{ماوی گؤزلوم}}

_{^{شیرین سؤزلوم}}

_{^{آخی سندن اویرنمیشم شئعیر قؤشماغی}}

_^***********

_{^{سنین اوچون قوشورام بو شئعیری}}

_{^{اوندا كی ماوی گؤزلرین}}

_{^{گؤی لرین كرانه سی كیم}}

_{^{بولوتلا دولور}}

_{^{و شیمشك لر چاخناشیر}}

_{^{باخیشلاریمیز دوگونلننده !!}}

_{^{و یاغیش یاغیر ایپك كیپریك لریندن !!}}

_{^{ومن قیمیرام}}

_{^{قیمیرام یاناقلارینین رنگی پؤزرلا !}}

_^**********

_{^{سنین اوچون قوشورا بوشئعیری}}

_{^{اوندا كی گولوش قونچه سی}}

          _{^{گول آچیر سیجاق دؤداقلاریندا}}

_{^{و گؤزللیین داها آرتیر}}

 _{^{آه من نه قدر موتلویام}}

_{^{اوندا كی دؤلور قولاغیما}}

         _{^{اینجه لی سسین}}

_{^{منی چاغیریرسان}}

 _{^{خیالیمدا !!}}

_{^{گئتمه ، گئتمه قال قاداسی}}

_{^{قوی من بئله  موتلو یاشاییم}}

_{^{ماوی گؤزلوم}}

_{^{شیرین سؤزلوم}}