یئنی گون – یئنی گونش

من كوهنه فیكیرلرین دالغالاریندا

پنجره می  گونشه

      آچا بیلمیرم

پنجره م  ائشیكدن

       باغلیدیر ...!!!!

كاش رسام اؤلایدیم شاعیر یئرینه

بیرشهر چكه یدیم ،هامی آغ گئیملی

یاراشیقلی

گولر اوزلو خوش دانیشیقلی

كاش رسام اؤلایدیم  شاعیر یئرینه

یاشیل چیمن دؤشه ییدیم خیاوانلاری

اوچدوردایدیم قفسده اؤلان قوشلاری

سیندیرایدیم جان آلان قورولان قورو آغاجلاری!!

و یاشیل آغاجلار چكه یدیم

گیلانارلی،آلمالی،حیوالی!!

كاش رسام اؤلایدیم شاعیر یئرینه

قیزیل  تل سانجاقی چكه یدیم  

بیر

كاسیب قیزین پیتراق ساچلاریندا    

و سؤلقون بیر گولوش

قوروموش چاتلاق دوداقلاریندا!!!!

و آغلایایدیم سئوینجی دن

او قیز گولنده.............

كاش

كاش

كاش رسام اؤلایدیم شاعیر یئرینه

كاش

كاش.............

چكه جه یم

بیر شكیل كیمی

بوم لارین اوستونده !

چاتلاق دوداقلاریندا گولوش

پیتراق ساچلاریندا داراق

قوروموش تورپاقلاریندا بولاق

و  اوزون اوزاق یوللاریندا آیاق

كی منی سنه گتیرسین

مندن اوزاق  

تبریزیم ..!!

Çəkəcəyəm

Bir şəkil kimi

Bomlarin üstündə

Çatlaq düdaqlarinda gülüş

Pitraq  saçlarinda daraq

Qurumüş törpaqlarinda bulaq

Və ozon ozaq yöllarinda ayaq

Ki  məni  sənə  gətirsin

Məndən   ozaq  

  TƏBRİZİM

(( وطنین سیرینه چاغیریرام ائللری

http://www.e-yayliq.blogfa.com/post-52.aspx

 فراخوان سومین دوره جشنواره غیر دولتی ( آنامین یایلیغی) 90-91

چوخداكی سوسموشام اییلمیشم من !!

هله داغلارین ووقاری واردیر

چوخدا قارداشیم سربستیر ایندی

هله زیندانین دوواری واردیر

  *********************

هله ده  یاساقدیر بو آنا دیلیم

هله ده بو قیفیل  كیلیدسیز قالیب

ایگید ستارخانلار گئدندن بری

سانیرام یوردوموز ایگیدسیز قالیب

  *****************

نه قدر های وئریرم های گلمیر منه

داغلار دییه سن قایتارمیر سسیمی

نه قدر باغیررام اوزگورلوك منه

گونو گوندن دارالدیرلار دار قفسیمی

  ***************

اویانسین كوراوغلی دلیلری بلكه

گئدیب چنلی بئل دن های سالام گرك

قوروسا بوتون چشمه لر چایلار

گوزلریمدن دنیزه چای سالام گرك

   ****************

باغلی قویمایام بیر قیفیل قالسین

كیلیدین تاپیب من آچام گرك

قفسه سیغینان بیر قوش دئیلم

سیندیریب قفسی من اوچام گرك

دیریلر

1

سنی سئومك گوناه دیر

كشگه بیلیدین

نه قدر گوناهكارام من !!

2

بیر آدیم یولدور

او ایواندان بو ایوانا

باخمایاندا

یوللار اوزانیر

دونیا بویوجا

3

سیلینمه یب ایزلریم

اونودا بیلمه یه جكسن

سنه گلن یاغمورلو كوچه لرین

یادداشیندا

یاشاییرام

l

1

دنیزه گئتدیم

اوره ییمین دردی آلینسین

خزری اوزومدن

قملی گوردوم !!

2

اوره ییم دارخمیشدی

پنجره نی آچدیم

خزان وورموش یارپاقلار

دردیم آرتیردی

3

آرخامجا گلین

زیروه یه گئدیرم

بولودلاردان

اولدوزلاری قورتارام

4

اولدوز اولماسا

گئجه

قارانلیقدا بوغولار

 تا بیلدیلر  نه قدر سئویرم سنی

 جان دان آرتیق سئویرم سنی

 سن سیزلیك یاشاما  محكوم ائتدیلر 

و سن

منسیز  اولدون

و من

سن سیزلییه ابدی حبس اولدوم

حبس

محكوم

محكوم

حبس

و سونوندا سنه چاتدیم ..!!!!!!!!!!!