سینیرلار یوزولور

یئنی ادبیاتا دوغرو بیر آددیم

آیرلیق

آنام دان آییرلاسی  بیر  ایل اؤلدو  آمما هئچ  زمان من آنامی اوندا بیلمه دیم

 

 بیر ایل اوتدو آیریلیقدان

گونلریمیز یامان دونیا

گلنلر بیر بیر گئدیر

وئردیكلرین آلان دونیا

**********

 سینسین  چرخی فعله یین

آلدی  یئر اوزونون معله یین

ایندی  باشیما كول  اله ییر

كوللر باشا ساووران دونیا

********

گئدنلرین یئری بؤشدور

قالانلارا دونیا خوشدور

اؤلوم یاشاما توشدور

اؤلن اؤلور- قالان دونیا

**********

یای یاز اولور گولور بیزه

پاییز یارپاق دوزور بیزه

قیش دوداغین بوزور بیزه

ندن بئله الوان دونیا

 ***********

پاییز كیمی  سارالمبشام

گئجه كیمی  قارالمبشام

آناسیز لاپ تالانمیشام

سن ده باری تالان دونیا

 

***********

دارانلی - یام  قمیم چوخدو

سینه اوسته دئین  اوخدو

حایف كی دای آنام  یوخدو

آیرلیقلار    سالان دونیا

سن ده باری تالان دونیا

آردینی اوخو
سه شنبه 19 شهریور 1392
بؤلوملر : قوشما - قزل,

سن یؤحویدون

 

گلدیم

دولاندیم گزدیم 

بوتون ائولری  كوچه لری

آنسیز اویونجاغی ایتمیش اوشاق كیمی

سن یؤخویدون

من اوشاقلیغیمی ایتیردیم !!!

 

 

 Gəldim

Dölandim  gəzdim

Butun  evləri  kuçələri

Ansiz   öyuncaği  eitmiş  üşaq  kimi

Sən  yöxuydun

Mən  üşaqliğimi   eitirdim !!!!

آردینی اوخو
یکشنبه 3 شهریور 1392
بؤلوملر : شئعیرجیكلر,

اوروج بایرامی

رامازان  گئدی دای  اوروجلوقدا قوتولدی

ایفطارلیق  اوباشدانلیق او آجلیقدا قوتولدی

اوردا بوردا دعوتیدیك گئجه لر صوبحه كیمی

حیف اولدو اوروجلوق ، قوناقلیقدا قوتولدی

3صوبحانه 4 دانا شام بیر یئرده یئییردیك

باتدی رامازان  حیف او آجالیقدا!! قوتولدی

 دئییردی حاجی  40 آجلاری دؤیوردوم

آجلار یئنه آج قالدی  دادیملیقدا قوتولدی

بلدیه ساغ اولسون ایفطار وئردی خیاباندا

خیر و بركت ریشته آشی ایفطارلیق دا قوتولدی

بیر آی آج ساخلادین آللاه ، نه قوناقلیقدی ایلاهی

یاخشی كی سونا چاتدی ، بو قوناقلیقدا قوتولدی

آرامیز برك سویوموشدو بو آی  دیلبرینن

یئنه  دیلبرده قیزیندی سویوقلوقدا قوتولدی

قافیه آزآلدی، ردیف پوزولدی وزن آغیر اولدو

قوتار شعری شاعیر كی شاعیر لیق  دا قوتولدی

 

آردینی اوخو
پنجشنبه 17 مرداد 1392
بؤلوملر : قوشما - قزل,

بو شهرین ......

 

بو شهرین

دووارلاری چیركین گلیر گؤزومه

خیابانلاری سؤیونور آیاغیم آلتا

قاپ قارا

گویلری ماس ماوی دئییل

آغاجلاری یام یاشیل دئییل

دنیزلری چایلاری چیركین

كوچه لری پارام پارا

بو شهرین

گونشی سؤلقون

آیی اولدزو یؤرقون

كولكلر بوش بوشونا اسیر

اینسانلار اؤلومه تلسیر !!

بو شهرده

ایتیب آرزولاریم دیلكلریم

بؤشونا گئدیب امكلریم

اوزاقلاردان بیر سس

منی داغلارا چاغیریر

منی

داغلارا...............

 

 

Bu şəhərin

Duvarlari çirkin gəlir göxümə

Xiyabanlari söyunur ayağim altda

Qap qara

Göyləri mas mavi deyil

Ağaclari yam yaşil deyil

Dənizləri  çaylari çirkin

Kuçələri param para

Bu  şəhərin

Gunəşi sölqun

Ayi  ulduzu yöqun

Küləklər böş böşuna  asir

Einsanlar ölumə tələsir

Bu şəhərdə

Eitib  arzularim  diləklərim

Böşuna gedib əməklərim

Üzaqlardan  bir səs

Məni daöğlara  çağirir

Məni

Dağlara.............

آردینی اوخو
جمعه 28 تیر 1392
بؤلوملر : سربست لر,

خبر آل منی

 

 

نه گزیرسن او داغلاری قارداشیم

اسن یئللردن خبر آل منی

الیمه دیمزهله  داغ داشیم

جوشان سئللردن خبر آل منی

      ***********

بیلیرم  آتلاردان قالماییب نیشان

من آتسیزدا گركدیر ووروشام

بولبولم  دیلیمدن تورا دوشموشم

ساز قوشویام تئللردن خبر آل منی

         *************

دونیا واریكن واریمیش قفس

سیزین سئوگینیز منه بس ایدی بس

باغرینی سیخماسین بو هارای بوسس

هارایلی دیللردن خبر آل منی

    **********

باخما بولودلار گونش اوسته دی

دوین توپانلار كولش اوسته دی

دویولوب آرینماق ائله نئشه دی

دویولن ائللردن خبر آل منی.......

.........................!!!!!!!!!!

آردینی اوخو
چهارشنبه 25 اردیبهشت 1392
بؤلوملر : قوشما - قزل,

یارالی باخیش

 

 

كوچه نین  سوكوتو

یارالی باخیش

ایچیمه دولور های هارای

سنسیزلیی باشیما چكیرم

گوزلریم اوفوقلره تیكیلیر

 گونشی  چكیرلر داغین آرخاسینا

بوغوللار

گؤی اوزو قان رنگی قیزاریر

اولدوز اولدوز

قارانلیق كؤچور

وولقانلی داغلار دومان آلتا

وسن دیلمه كؤچورسن  :

دومان گل گئت بو داغلاردان

 

 

                   كیان خیاوا  سؤنولور

آردینی اوخو
چهارشنبه 11 اردیبهشت 1392
بؤلوملر : سربست لر,

كئفلی كئفلی

 اوستاد آزرائللی یه  سؤنولور

 

گینه باش قووزادی داغلاردا چیچك كئفلی كئفلی

گینه سالدی باهار  باغلاردا لچك  كئفلی   كئفلی

بؤینو  بوكوك   بنووشه   یئنه   چایلار  قیراغی

سؤیله دی  بولبوله دور  سئویشك  كئفلی   كئفلی

قدرینی بیلمه لییك یازدا آچیلان گوللرین هر آن

گینه گؤز قیرپیمی  پاییز گله جك  كئفلی  كئفلی

ایندی گونلر بئله خوش قویما پیمانه بوشا گئتسین

دولدور اول قدحلره شراب  ایچك  كئفلی  كئفلی

اوره یین  جوشا گلسین  آل دوشونه  تئللی سازی

اؤل قیرمیزی تئللره   داراق چك   كئفلی  كئفلی

بیر اؤزان   یارانسین   دیل دوداق   ترپنمه سی

داغلی داغلار  دؤشدنو یاللی گئدك  كئفلی كئفلی

داخما ائولردن هیس دولوبدور اوره ییمه  بیلیسن

گل  گئدك لاله لی داغلاردا گزك كئفلی كئفلی

ائلی سن     ائل سنیندیر    آذرائللی     بیلیرم

ائل  گولر   شاعیر  گوله جك   كئفلی   كئفلی

                             20/1/92

 

 Genə baş qövzadi dağlarda çiçək  kefli kefli

Genə saldi bahar  bağlarda ləçək   kefli kefli

Büynu bukuk  bənovşə  yenə çaygar  qiraği

Suylədi   bolbolə   dor   sevişək   kefli   kefli

Qədrini bilməliyik yazda açilan gollərin hər an

Gənə   göz qirpimi  payiz  gələcək  kefli kefli

Eindi  gonlər belə  xöş qoyma pimanə boşa getsin

Döldur   öl  qədəhrərə şərab  içək  kefli kefli

Orəyin  coşa   gəlsin  al   düşunə   telli   sazi

Öl   qirmizi   tellərə  daraq  çək   kefli  kefli

Bir  özan   yaransin  dil  dödaq  tərpənməsi

Dağli dağlar  döşunu yalli gedək  kefli  kefli

Daxma  evlərdən his dölubdur orəyimə bilisən

Gəl gedək  laləli dağlarda  gəzək  kefli  kefli

Ellisən      elsənindir     azərelli    bilirəm

El    gulər    şaeir   guləcək    kefli    kefli

 

2013/4/9

 

 

آردینی اوخو
پنجشنبه 22 فروردین 1392
بؤلوملر : قوشما - قزل,

بایرام آخشامی

 

 

سالام لار

1391 ایجی ایل   ایستر آجی ایستر شیرین –

قملی و كدرلی و یا سئویملی و سئوینجلی عومرونی

باشا وئردی . بو ایلده آذربایجاندا اونودولماز بیر حادثه

اوز وئردی . ائلیمیزین یادداشیندان سیلینمه یین  هریس و

ورزقان دئپردیمی (زلزله سی ) بو ایلین ان آجی گونلریندن اییدی

هر حالدا دونیا اؤز یولونو گئدیر هئچ نه یه باخمایا باخمایا و.........

اولسون كی قارشیمیزا گلن ایل ائلیمیز اوچون اوغورلو و یارارلی

بیر ایل اولسون .

یئنی ایل  بایرامی موتلو

 

 

         بایرام آخشامی

فیرلانیر آناسیز دونیا فیرلانیر

گونو هفته سی  آیی  دولانیر

*********

وئجینه دئییل كیمین قوصه سی

كیمین آچیر گوللری؛ سؤلور قونچه سی

دونیانین  اؤز كئفی اؤز نعشه سی

قندی  شكری  چای  دولانیر

******

اریدیر  قشیندا  قالانان  قاری

سؤلدورور یازیندا آچیلان باغی

گولله ییر هردن سینان بوداغی

پاییزی  قیشی  یایی دولانیر

******

كیمسه نین ائدیر گونلرین آجی

كیمسه نین قویور باشینا تاجی

های وئریر قارداش های وئریر باجی

های باتیر داغا هایی دولانیر

*********

گؤر  نئجه  گزیر  دونیا نادانی

بیر شؤروشمور كئچن عومروموز هانی

  یئتیشیر یئنه  بایرام  آخشامی

گون سایار  دولور سایی دولانیر

*********

اوینادیر بئله  دونیا هر كسی

گئدیر  گوندوزو  گلیر گئجه سی

دونیانین نه قمی نه ده  قوصه سی

دارانلی  گئدیر تای  دولانیر

*********  

Bayram axşami

Firlanir anasiz dunya firlanir

Guno  həftəsi ayi  dolanir

*****

Vecinə deyil kimin qüssəsi

Kimin açir golləri  sölor qünçəsi

Donyanin öz kefi öz nəşəsi

Qəndi  şəkəri  çayi dolanir

**********

əridir qişinda  qalanan  qari

söldurur yazinda açilan baği

golləyir hərdən sinan büdaği

payizi  qişi  yayi  dolanir

*********

Kimsənin edir gunlərin aci

Kimsənin  qöyur başina taci

Hay verir  qardaş hay verir baci

Hay  batir dağa  hayi dolanir

*******

Gör  gəzir necə dunya nadani !

Bir söroşmur keçən ümromoz hani

Yetişir yenə  bayram axşami

Gunsayar  dölor  sayi dolanir

*********

oynadir  belə  dunya  hər kəsi

Gedir  gunduzu  gəlir  gecəsi

Dunyanin  nə qəmi  nədə qüssəsi

Daranli  gedir  tayi  dolanir

*******

12/1391

آردینی اوخو
دوشنبه 28 اسفند 1391
بؤلوملر : قوشما - قزل,

ایره لی تیراختور

یاشیل تؤرپاغین آل بایراغییسان

اوره كلر سئوینجی ائل دایاغیسان

آدزبایجان  سهندی  ساوالانیسان

ایره لی ایره لی ایره لی تیراختور

*****    *******

شانلی ائلیمین اوره گی سن سن

گئجه لر شامیمین چوره گی سن سن

قیرتیم  شرفیم  امگیم سن

ایره لی ایره لی ایره لی  تیراختور

*******       ********

گورسون آسیا آذر قیرتینی

بیرده هاوادارین سئل قودرتینی

یوكسلدك  آزربایجان  شهرتینی

ایره لی ایره لی ایره لی تیراختور

آردینی اوخو
دوشنبه 7 اسفند 1391
بؤلوملر : قوشما - قزل,

گوزلرین لیمانی

 

 

گؤزلریندن سئودیم دونیانی

شئعیریده   موسیقی نیده

گؤزلرین گویلركیمی درین

دنیزلر كیمی ماوی

من گوزلرینین لیمانیندایام

قالیم می ؟

یوخسانا

بویور یاناقلاریندان  سوزولوم

 

آردینی اوخو
سه شنبه 10 بهمن 1391
بؤلوملر : سربست لر,