1

نه سن لیلی سن

نه من مجنون

سن بیر اؤیونجاق

من ایسه بیر اوشاق

اولدوغونو گولورم

و آغلاییرام یوخلوغونو

2

سن آی  كیمی گؤزل

اولدوز كیمی پارلاق

من ، قاپ قارا قارانلیق  گئجه

سن منده دوغولا بیلرسن

بوتون گؤزللیكلرینله

منسیز  گؤرونمزسن

سن اولمایاندا

دنیز دولور گوزلریمه

و بو تون گئجه

دالغالار باغیریر سنسیزلییمی

سن اولمایاندا

آی یاشماق دوتور

اولدوزلار سوسور

و بوتون گئجه

بولودلار آغلاییر سنسیزلییمی

سن اولمایاندا

گولوشلر سارالیر

اوره كلر دولور

و بوتون گئجه

بوزولموش دوداقلار چاغیریر سنسیزلییمی

سن اولمایاندا – دنیز اولور

سن اولمایاندا – بولود اولور

سن اولمایاندا  -  دوداقلار بوزولور

امما هئش نه هئش كیم

بیر گئجه بیر آن

پیچیلدامیر

 وطنسیزلییمی .....!!!

                  ابدی هیجران

گلدی  یازلاندیم ، گئتدی  پاییز خزان اولدو

                  كوچدو قلبیمدن سئوینچ ، قم یئرینده قالان اولدو

دئدیم آی اولدوز گزه رم ، ظولمت گئجه نین یاخاسیندا

                بیلمدیم هئچ  نئجه تئز گلدی سحر ، آخ آذان اولدو

خیالیمه سیغینمیر كی گئدیبدیر ، هئچ  اینانمیرام

                 گؤزوم یولدا قالیبدیر گلجك ، بودا  بیر گومان اولدو

ظن ائدیردیم گیزلنیبدیر ، اویون اوینور منیله  تاپارام

                آرخاسینجا    دونیانی  دولاندیم ،  اویونلار یالان اولدو

ای دارانلی اینان  ، كی داها كوچدو دونیادان آنان

                آرالیقدا   بو  هیجران  ،  بیر  ابدی  هیجران  اولدو

قوی ملكلرده سئوینسین كی بهشت  جنت اولور

                 سئوگیلی  قوش  تك آنام ، جنت بوداغینا قونان اولدو

آنا موقددس بیر كلمه دیر

آللاه عبادتینین قیبله سی دیر آنا

آنا گویلرده آذان شارقیسی

آللاه و اكبر سسی دیر آنا

************

داغلارین قاری دیر آنا

بال داشییان آری دیر آنا

اوولادینا جان وئرن

اؤزو تانری دیر آنا

***********

سؤیكنیب آغلاماغا چیین دیر

باش قویوب یوخلاماغا دیزدیر

آنا چئشمه لر كیمی دوپ دورو

آنا گوزگولر كیمی تمیز دیر

************************************************************************

منه شئعیر باغیشلایان ایستكلی آنام دونیاسینی دگیشدی و منی یالقیز بوراخدی

بو موناسیبته گوره جومه گونی آیین 31/6/1391ساعات 3 دن 5/4قدر

نظام آباد - وحیدیه خیابانی - فاطیمیه مسجیدینده بیر یاس مجلسی اولاجاق

آللاه بوتون آنالارا رحمت ائله سین 

گتیر اللرینی

اللرینی گتیر

سنه اوزانان اللریمی ایسیت

اللرین اللریمه دیمه سه

سئوگینی حیس ائتمك اولماز

و بیلیرم تانیرم

اوزانان اللری بوش قویماز

بوراسی آزربایجان

آبادلیغی اوزوموزدندیر

چشمه لری گوزوموزدن

و ایندی

اؤزوموز

یئنی دن یئنه تیك مه لییك

ییخیلان ائولریمیزی

داها اوستون داها موحكم

!!!!!قوی پریزینتلرین كئفی ساز اولسون

وسن آنام تبریزیم

اوخشاما

اوخشاما یئتر

اؤز الین اولسون اؤز دیزین

قالخمالیسان

تیتره مه دن

امینم كی قارا داغ

آزربایجانین قوناق اوتاغی

یئنی دن بزه نه جكدیر

و كوچه لر ی دولاجاق اوشاقلارین های كوی سسینه

قوزولارین ملرتی سینه

و داغلار یاشایاجاق چوبانلارین توته یین سسینده

و حیات دوام ائدجك

كوهلن آتلارین كیشنرتیسینده

گئدنلرین قمی اوره ییمیزده قالار كن

كئچمیش اولسون

گتیر اللرینی

سنه اوزانان اللریم ایسیت

بوراسی آزربایجان

اولومو یاشادان

دردی ده جاندیر

درمانی ده جان

...............

.............

گؤزلرینین

شكیللرین – یازیلارین اوخویورام:

آغ صحیفه سینده

 قارا گیله

و قارا گیله سینده

 بیر شكیل                                                                                       

او شكیل منم

گوزلرینده گورورم اؤزومو

سن باخاندا

و بویله سیله باشلانیر

عشق

و قیزینیر بیر اوجاق

باخ باخ

قؤی قیزغین  قالسین  بو اوجاق

من بیر قیزی سئویرم

آدی دنیز

 سؤزو دنیز

گؤزو دنیز

اؤزو دنیز

یئتیم بیر قیز !

آتاسی اؤلوب -  آناسی اؤلوب

دردلی یارالی

ائلیندن اؤباسیندان آرالی

یالنیزجاسینا یاشاییر

اوره ییمین یانغیسین آلاردی

یاندیریجی گونلرده

و دینجه لردی یؤرغونلوغوم

نئجه آلدانمیشیدیم

او گون یاشیل كوینگینی چیخاراندا

قیزا ساری كوینك چوخ یاراشار دئدیلر

من ده  اینانمیشدیم

ساری كوینك ماهنیسینی اؤخویوردوم

ایندی رنگیم سارالیب ساری كوینك قیزین ساری رنگیندن

نه گلیر الیمدن ؟

كیمدن یاردیم اومالییام

كیمدن ال گوزله مه لی

اؤگئی قارداشیم

سیمنانین قؤتور قیزلارینا ساچ هؤرور

یاشیل كوینك آلاجاغام دئیه

و قان قارداشیم اؤرالاردا گزه جه یم دوشونور

ساچلی دنیز قیزیم اؤلن یئرده

نه اولار آلاهیم  نه اؤلار

دونیادا بیر قیز یئتیم اؤلماسین

رنگی سؤلماسین

یئتیم قیزین

هر گلن باشیندان چالار

وارلیغین – الیندن وارین آلار

یئتیم قیزین عشقی ده یئتیم اؤلار

هئی هئی

هارداسینیز

صاباح  منه باش ساغلی وئرنلر

قان قارداشیم

یوردداشیم

دیل داشیم

یولداشیم

وطن داشیم............

.....................

....................

هاداسینیز ؟

هاردا ؟

Mən bir qizi sevirəm

Adi  dəniz

sÜzu dəniz

güzu dəniz

Özu  dəniz

Yetim bir qiz

Atasi  Ölub – anasi Ölub

Dədli yarali

Elindən Öbasindən arali

Yalnizcasina

 Orəyimin yanĞisin alardi

Yandirici  gÜnlərdə

Və  dincələrdi yÜrĞÖnlÖĞÜm

Necə  aldanmişdim

Ö  gÜn  yaşil  kÜynəgini Çixaranda

Qiza sari kÜynək ÇÖx  yaraşar dedilər !!

Mən də  einandim

Sari ıÜynək  mahnisini  ÖxÜyurdum

Eindi  rəngim saralib sari kÜynək qizin sari  rəngindən

Nə  gəlir aəlimdən ?

Kimdən  yardum  ummaliyam ?

Kimdən al  gÜzləməli ?

Ögey  qardaşim

Semnanin qÜtur qizlarina  saç  hÜrur

Yaşil  kÜynək  alacaĞam  diyə

Və  qan qardaşim  Öralarda  gəzəcəyəm  duşunur

Saçli  dəniz qizim Ölən yerdə

Nə  Ölar  allahim   nə Ölar

Dunyada  bir qiz yətim Ölmasin

Rəngi  sÜlmasin

Yətim qizin hər  gələn  başindan  çalar

Varliğn  - alindən  varin  alar

Yətim  qizin eşqidə yətim Ölar

Ehhy  ehhy

Hardasiniz ?

Sabah  mənə  baş  sağliği  verənlər

Qan qardaşim

Yurddaşim

Dil daşim

Yüldaşim

Vətəndaşim.....

.....................

.........................

Hardasiniz

Harda ?

اللریمیزی گویه قالدیرریق

اللرده بركت اولمایاندا

بولودلاردا یوخویا گئدیر

و گونش قیزغین چالیر

یاشلار قورویور – قورولار یانیر

و بیر دنیز

سوسوزوندان آغزین آچیر

سوسوزام

سوسوزام – باغیریر!

سوسوز بیر دنیزی

یاشاتماق اوچون

اللریمیزه اینانمالییق

اللریمیزه ......

گل  دالغا

سنی آلیم   قوجاغیما

سن اوره ییم  كیمی چیرپینیرسان

سن:

چیرپینیرسان دنیزدن قاچاسان

چیرپینیرسان ساحیله چاتاسان

من :

اوره ییم امما

چیرپینیر دنیزه چاتا

چیرپینیر ساحیلدن قاچا

سیجاق ساحیل قوملاریندا نه وار كی

گل قوجاقلاشاق

گل اوزاقلاشاق

گل دنیزه گوتور منی

گل  دالغا

 قوجاغیما آلیم سنی